ஐஸ்க்ரீம் என்றால் அதன் குளுமையும், இனிப்பு சுவையும் தான் நம் நினைவுக்கு வந்து நாவில் எச்சில் ஊற வைக்கும் ஆனால் இன்று நீங்கள் காண போகும் இந்த ஐஸ்க்ரீமை ஒரு முறை சிறிதளவு சாப்பிட்டால் இனிமேல் வாழ்கையில் ஐஸ்க்ரீம் பக்கமே தலை வைத்து கூட படுக்க மாட்டீர்கள். கிட்டத்தட்ட ஐநூறு டொபாஸ்கோ சாசில் உள்ள காரத்தன்மையும், சூடும், இந்த ஐஸ்க்ரீம் வாய்க்குள் சென்றதும் உள்ளே ஒரு அணுஆயுத யுத்தமே வெடிப்பதாக சாப்பிட்டவர்கள் தெரிவிக்கின்றனர்.
ஸ்காட்லாந்து நாட்டின் கிளாஸ்கோவ் நகரில் உள்ள ஆல்ட்விட்ச் கேஃப்பில் காதலர் தின சிறப்பு தயாரிப்பாக விற்பனைக்கு வைக்கப்பட்டுள்ள இந்த ஐஸ்க்ரீம், பார்த்தாலே சிவந்த மிளகாய் நிறத்தில் நம்மை சுண்டி இழுக்கும் விதத்தில் காட்சியளிக்கிறது. இந்த ஐஸ்க்ரீம் உலகின் மிகவும் அபாயகரமான ஐஸ்க்ரீம் என்று இதன் தயாரிப்பாளர்களால் எச்சரிக்கப்படுவதோடு இந்த ஐஸ்க்ரீமை சாப்பிடுவதற்கு முன்பு நீங்கள் ஒரு ஒப்பந்த பத்திரத்தில் கையெழுத்திட்டு கவுண்டரில் கொடுத்த பின்னர் தான் ஐஸ்க்ரீம் உங்களுக்கு வழங்கப்படும். நீங்கள் 18 வயதிற்கு மேற்பட்டவர் என்ற உறுதிமொழியும், இந்த ஐஸ்க்ரீமை சாப்பிடுவதனால் உங்கள் உடலுக்கு தீங்கு, காயம், மயக்கம் மற்றும் உயிரிழப்பும் கூட ஏற்படலாம் என்ற எச்சரிக்கை குறிப்பும் அந்த சட்ட ஒப்பந்தத்தில் தெரிவிக்கப்பட்டுள்ளது.
ஐஸ்க்ரீமை ஸ்கூப்பை எடுத்து உங்களுக்கு வழங்கும் பணியாளர்கள் கையில் இந்த ஐஸ்க்ரீம் தங்கள் கையில் பட்டு விடக்கூடாது என்று கையுறை அணிந்தே மிக கவனமாக இந்த ஐஸ்க்ரீமை எடுத்து வழங்குகின்றனர்.
இத்தாலி நாட்டின் பாரம்பரிய ரகசிய தயாரிப்பான இந்த ஐஸ்க்ரீம் ரெஸ்பிரோ டெல் டியவோலோ - (சாத்தானின் சுவாசம்) என்று அழைக்கப்படுகிறது. ஆல்ட்விட்ச் கேஃப்பின் உரிமையாளரான மார்ட்டின் படோனி கூறும் போது, இத்தாலி நாட்டின் டெவில்ஸ் பிரிட்ஜ் என்ற பாலத்தில் ஒவ்வொரு ஆண்டும் இத்தாலி நாட்டின் ஐஸ்க்ரீம் தயாரிப்பாளர்கள் அனைவரும் சந்தித்து அந்த ஆண்டு அவர்களுக்கு எப்படி இருந்தது என்று கலந்துரையாடுவார்கள். அங்கு வரும் ஆண்கள் தங்கள் வீரத்தை நிரூபிக்க இந்த ஐஸ்க்ரீமை சாப்பிட்டு காட்ட சொல்லி சவால் விட்டு போட்டிகள் நடக்கும்.
காணொளி காட்சி: swns
சாத்தானின் பாலம் என்ற இடத்தில் வைத்து இந்த அபாயகரமான ஐஸ்க்ரீம் சாப்பிடும் சவால் நடப்பதால் இந்த ஐஸ்க்ரீம் சாத்தானின் சுவாசம் என்று அழைக்கப்படுகிறது.கிளாஸ்கோவ் நகர மக்கள் இது போன்ற சவாலான காரியங்களில் பங்கு பெறுவதில் மிகுந்த ஆர்வமுடையவர்கள், மேலும் காரமான உணவுகளையும் விரும்பி சாப்பிடுபவர்கள் அதனால் இந்த ஐஸ்க்ரீமை அவர்கள் வரவேற்பார்கள் என்று நம்பிக்கை தெரிவிக்கிறார் மார்ட்டின் படோனி.
முந்தைய பதிவுகள்:
சமூக ஊடகங்களில் பின் தொடர
